Արթուր Ավետիսյանն՝ աշխարհի բրոնզե մեդալակիր

Եվրոպայի չեմպիոն Արթուր Ավետիսյանը բրոնզե մեդալ նվաճեց Նիդերլանդների Ռոտերդամ քաղաքում անցկացվող սպորտային մարմնամարզության աշխարհի առաջնությունում:

Օղակների վարժության եզրափակիչում Արթուր Ավետիսյանը վաստակեց 14.233 միավոր:

Եվրոպայի գործող չեմպիոնը որակավորման փուլում վաստակել էր նույն միավորը՝ 14.233 եւ 4-րդ տեղից դուրս եկել եզրափակիչ:

Արթուր Ավետիսյանն առաջին մեդալը նվաճեց աշխարհի առաջնություններում:

Այս վարժությունում աշխարհի չեմպիոնի տիտղոսը նվաճեց Չինաստանի ներկայացուցիչ Յան Հինգյուն 14.766 միավորով:

14.333 միավորով արծաթե մեդալակիր դարձավ հույն Էլեֆտերիոս Պետրունիասը:

Հակոբ Սերոբյանի գլխավորած հավաքականից այսօր աշխարհի չեմպիոնի տիտղոսը նվաճեց 19-ամյա Համլետ Մանուկյանը, որն անգերազանցելի էր նժույգ թափեր վարժությունում: Այս վարժությունում բրոնզե մեդալակիր դարձավ նաեւ Մամիկոն Խաչատրյանը:

Հետևեք NEWS.am SPORT-ին Facebook-ում, Twitter և Telegram-ում