Մեսին նվաճեց 49-րդ տիտղոսը (տեսանյութ)

39-ամյա արգենտինացի Լիոնել Մեսին նվաճեց 49-րդ տիտղոսը պրոֆեսիոնալ կարիերայում։

Ամերիկյան «Ինտեր Մայամին» Չեմպիոնների գավաթի (Campeones Cup) խաղում 2:0 հաշվով հաղթեց մեքսիկական «Կրուս Ասուլին»։

24-րդ րոպեին Մեսին բացեց հանդիպման հաշիվը, 81-րդ րոպեին աչքի ընկավ բրազիլացի կիսապաշտպան Կազեմիրոն։

Campeones Cup-ն ամեն տարի վիճարկում են ՄԼՍ-ի եւ մեքսիկական MX Լիգայի չեմպիոնները։

Մեսին 35 տիտղոս նվաճել է «Բարսելոնայում», 3 տիտղոս՝ ՊՍԺ-ում, 5 տիտղոս՝ «Ինտեր Մայամիում»։ Արգենտինայի հավաքականում նա նվաճել է 6 տիտղոս։ Նա ռեկորդակիր է տիտղոսների քանակով։ Երկրորդ տեղում «Բարսելոնայի» եւ Բրազիլիայի հավաքականի նախկին խաղացող Դանի Ալվեսն է՝ 45 տիտղոս։

Մեսին 2023 թվականից է հանդես գալիս «Ինտեր Մայամիում», որի հետ նրա պայմանագիրը նախատեսված է մինչեւ 2028 թվական։ Այս մրցաշրջանում Մեսին մասնակցել է 27 հանդիպման, խփել է 23 գոլ, կատարել 14 գոլային փոխանցում։

Esto nunca cansa pic.twitter.com/2QwDJw4ZTi

— Inter Miami CF (@InterMiamiCF) September 17, 2026

Հետևեք NEWS.am SPORT-ին Facebook-ում, Twitter և Telegram-ում