13:06  ,  25 օգոստոսի, 2026

Նկունկուն «Միլանից» կվերադառնա Բունդեսլիգա

28-ամյա ֆրանսիացի հարձակվող Կրիստոֆեր Նկունկուն իտալական «Միլանից» կվերադառնա գերմանական «ՌԲ Լայպցիգ», հաղորդում է ինսայդեր Ջանլուկա Դի Մարցիոն։

Կողմերը համաձայնության են հասել մեկ տարվա վարձակալության պայմանագրի վերաբերյալ։ «ՌԲ Լայպցիգը» կվճարի 4 միլիոն եվրո։

Հաջորդ ամռանը գերմանական ակումբը հնարավորություն կունենա 28 միլիոն եվրոյով գնել Նկունկուի տրանսֆերային իրավունքը։

Նկունկուն «ՌԲ Լայպցիգում» հանդես է եկել 2019-2023 թվականներին, այնուհետեւ տեղափոխվել է Լոնդոնի «Չելսի»։ Անցած տարվա ամռանը «Միլանը» նրա տրանսֆերի համար անգլիական ակումբին վճարել էր 37 միլիոն եվրո։

Նկունկուն «Միլանի» կազմում մասնակցել է 35 հանդիպման, խփել է 8 գոլ, կատարել 3 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում

Print    |  In English