Ինգա Մանուչարյանը միացավ հունական «ԳԱՍ Անդրոգեասին»

Բասկետբոլի կանանց Հայաստանի ազգային հավաքականի խաղացող Ինգա Մանուչարյանը 2026/27 մրցաշրջանում հանդես կգա հունական «ԳԱՍ Անդրոգեաս» ակումբում, հաղորդում է ՀԲՖ-ի մամուլի ծառայությունը։

Նախորդ մրցաշրջանում ևս Մանուչարյանը հանդես է եկել Հունաստանում՝ «Օլիմպիակոս Վոլու» ակումբի կազմում՝ մեկ խաղում միջինը գրանցելով 19.4 միավոր, 12.9 ռեբաունդ, 2.5 ասիստ և 2.1 խլում։

Կարիերայի ընթացքում Ինգան հանդես է եկել նաև Հայաստանի, Լատվիայի և Ղազախստանի ակումբներում։ Ղազախստանում նա երկու անգամ դարձել է երկրի չեմպիոն և ճանաչվել եզրափակչի ամենաարժեքավոր խաղացող։

Հետևեք NEWS.am SPORT-ին Facebook-ում, Twitter և Telegram-ում