21:13  ,  20 օգոստոսի, 2026

«Տոտենհեմը» 151 միլիոն եվրո կվճարի «Մանչեսթեր Սիթիի» 2 խաղացողի համար

22-ամյա բրազիլացի եզրային հարձակվող Սավինյոն եւ 27-ամյա եգիպտացի հարձակվող Օմար Մարմուշը Անգլիայի փոխչեմպիոն «Մանչեսթեր Սիթիից» կտեղափոխվեն Լոնդոնի «Տոտենհեմ», հաղորդում է Globo-ն։

«Տոտենհեմը» երկու խաղացողի համար կվճարի 151 միլին եվրո։ Սավինյոյի տրանսֆերի գումարը կկազմի 99 միլիոն եվրո, որից 5,7 միլիոնը՝ բոնուսներ։

Անցած մրցաշրջանում Սավինյոն մասնակցել է 36 հանդիպման, խփել է 4 գոլ, կատարել 3 գոլային փոխանցում։ Մարմուշը 36 խաղում խփել է 8 գոլ, կատարել 3 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում

Print