ԿԼ. «Նոայի» հաջորդ մրցակիցը

Կոնֆերենցիաների լիգայի որակավորման երրորդ փուլում ֆուտբոլի Հայաստանի փոխչեմպիոն «Նոան» կմրցի Շվեյցարիայի «Սյոնի» հետ: 

Կոնֆերենցիաների լիգայի որակավորման երկրորդ փուլում Հայաստանի փոխչեմպիոնը հաղթեց մոլդովական «Զիմբրուին» (1:1, 2:1): Շվեյցարական ակումբը 5:1 հաշվով պայքարից դուրս է թողել Բելառուսի ԲԱՏԷ-ին (1:1, 4:0):

Երրորդ փուլի առաջին հանդիպումները տեղի կունենա օգոստոսի 6-ին, պատասխան հանդիպումները՝ մեկ շաբաթ անց:

Կոնֆերենցիաների լիգայի որակավորման երկրորդ փուլի արգելքը չկարողացան հաղթահարել Երեւանի «Փյունիկը» եւ «Ալաշկերտը»:

«Փյունիկը» հունգարական «Դեբրեցենի» հետ դիմականությունն ավարտեց մրցակցի հետ մեկ գոլի տարբերությամբ: Արտագնա խաղում 0:1 հաշվով հունգարական թիմին պարտվելուց հետո, Երեւանի Վազգեն Սարգսյանի անվան «Հանրապետական» մարզադաշտում պատասխան հանդիպումն ավարտեց գոլազուրկ ոչ ոքիով:

Երեւանի «Ալաշկերտը» որակավորման երկրորդ փուլում ռումինական «Կլուժի» հետ տնային խաղում գրանցեց 1:1 հաշիվ: Պատասխան խաղում պարտվեց 0:3 հաշվով եւ լքեց պայքարը:

Հետևեք NEWS.am SPORT-ին Facebook-ում, Twitter և Telegram-ում