«Արսենալը» հաղթեց եւ ամրապնդվեց առաջին տեղում (տեսանյութ)

Անգլիայի Պրեմիեր լիգայի առաջնության 9-րդ տուրում փոխչեմպիոն «Արսենալը» լոնդոնյան դերբիում մրցեց «Քրիսթալ Փելասի» հետ եւ հաղթեց 1:0 հաշվով։

Իսպանացի Միկել Արտետայի գլխավորած թիմի միակ գոլը խփեց անգլիացի կիսապաշտպան Էբերեչի Էզեն։

«Արսենալը» 22 միավորով գլխավորում է մրցաշարային աղյուսակը եւ 4 միավոր առաջ է երկրորդ տեղում գտնվող «Բորնմուտից», որը տանը 2:0 հաշվով առավելության հասավ «Նոթինգեմ Ֆորեսթի» նկատմամբ։

«Մանչեսթեր Սիթին» հյուրընկալվեց «Աստոն Վիլային» եւ պարտություն կրեց 0:1 հաշվով։

Կատալոնացի Խոսեպ Գվարդիոլայի գլխավորած թիմը 16 միավորով չորրորդն է, «Աստոն Վիլան» 7-րդն է՝ 15 միավոր։

Անգլիայի առաջնություն, 9-րդ տուր

«Արսենալ» - «Քրիսթալ Փելաս»՝ 1:0 (տեսանյութ)

Էբերեչի Էզե, 39

«Աստոն Վիլա» - «Մանչեսթեր Սիթի»՝ 1:0 (տեսանյութ)

Մեթի Քեշ, 19

«Բորնմուտ» - «Նոթինգեմ Ֆորեսթ»՝ 2:0 (տեսանյութ)

Մարկուս Տավերնիեր, 25, Էլի Կրուպի, 40

Հետևեք NEWS.am SPORT-ին Facebook-ում, Twitter և Telegram-ում