ՉԼ․ «Ցրվենա Զվեզդան» Թիկնիզյանի հետ պարտվեց «Պաֆոսին» (տեսանյութ)

Ֆուտբոլի Չեմպիոնների լիգայի որակավորման փլեյ-օֆֆի առաջին խաղում սերբական «Ցրվենա Զվեզդան» Բելգրադում ընդունեց Կիպրոսի «Պաֆոսին» եւ պարտություն կրեց 1:2 հաշվով (տեսանյութ)։

Արդեն առաջին րոպեին հանդիպման հաշիվը բացեց «Պաֆոսի» պորտուգալացի պաշտպան Ժոաու Կոռեան։ 52-րդ րոպեին 11-մետրանոցից հյուրերի առավելությունը կրկնապատկեց պորտուգալացի կիսապաշտպան Պեպեն։

«Ցրվենա Զվեզդայի» միակ գոլը 58-րդ րոպեին խփեց բրազիլացի հարձակվող Բրունո Դուարտեն։

Հայաստանի հավաքականի եզրային պաշտպան Նաիր Թիկնիզյանը «Ցրվենա Զվեզդայի» մեկնարկային կազմում անցկացրեց ամբողջ հանդիպումը։

Օրվա մյուս հանդիպումներում հունգարական «Ֆերենցվարոշը» տանը 1:3 հաշվով պարտվեց «Ղարաբաղին» (Ադրբեջան), բելգիական «Բրյուգեն» Շոտլանդիայում 3:1 հաշվով հաղթեց «Գլազգո Ռեյնջերսին»։

Պատասխան հանդիպումները տեղի կունենան օգոստոսի 26-ին։

Հետևեք NEWS.am SPORT-ին Facebook-ում, Twitter և Telegram-ում