Ռոնալդուն դիտարկում է «Սպորտինգ» վերադառնալու տարբերակը

Պորտուգալիայի հավաքականի եւ Սաուդյան Արաբիայի «Ալ Նասրի» 40-ամյա հարձակվող Կրիշտիանու Ռոնալդուն դիտարկում է ամռանը պորտուգալական «Սպորտինգ» վերադառնալու տարբերակը, հաղորդում է beIN Sports-ը։

Ամռանը կավարտվի Ռոնալդուի պայմանագիրն «Ալ Նասրի» հետ, եւ նա կստանա ազատ գործակալի կարգավիճակ։ Ռոնալդուն պատրաստ է նաեւ ցածր աշխատավարձով հանդես գալ «Սպորտինգում», որի ակադեմիայի սան է։ Նա լիսաբոնյան ակումբի համակարգում է եղել 1997-2003 թվականներին։

Ընթացիկ մրցաշրջանում Ռոնալդուն մասնակցել է 39 հանդիպման, խփել է 33 գոլ, կատարել 4 գոլային փոխանցում։

Transfermarkt-ը Ռոնալդուի տրանսֆերային արժեքը գնահատում է 12 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում