Ռազմիկ Հունանյանը՝ ծանրամարտի Եվրոպայի երիտասարդական առաջնության արծաթե մեդալակիր

Իսրայելի Էյլաթ քաղաքում ընթացող ծանրամարտի Եվրոպայի մինչեւ 23 տարեկանների առաջնությունում Ռուսաստանի ներկայացուցիչ Ռազմիկ Հունանյանը զբաղեցրել է երկրորդ տեղը՝ նվաճելով արծաթե մեդալ:

Մինչեւ 77 կգ քաշայինների պայքարում Հունանյանը գրանցել է երկամարտի 335 կգ արդյունք՝ մեկ կգ-ով զիջելով հույն Անտոնիս Մարտիսիդիսին: 335 կգ արդյունք է ցուցադրել նաեւ իսպանացի Անդրես Մատան, ով Հունանյանին զիջել է անձնական քաշի պատճառով: 

Հիշեցնենք, որ ռուսաստանցի Արմեն Ալեքյանը նվաճել էր հաղթողի կոչումը 69 կգ քաշային կարգում: Հայաստանի ներկայացուցիչ Զորիկ Պողոսյանը գրավել էր 5-րդ տեղը:

Ծանրամարտի Եվրոպայի մինչեւ 23 տարեկանների առաջնություն
Մինչեւ 77 կգ քաշային կարգ

1. Անտոնիս Մարտիսիդիս (Հունաստան) – 336 կգ (146+190)

2. Ռազմիկ Հունանյան (Ռուսաստան) – 335 կգ (150+185)

3. Անդրես Մատա (Իսպանիա) – 335 կգ (145+190)

Հետևեք NEWS.am SPORT-ին Facebook-ում, Twitter և Telegram-ում