ՉԼ․ «Ռեալը» խոշոր հաշվով պարտվեց «Արսենալին», «Ինտերն» ուժեղ էր «Բավարիայից» (տեսանյութ)

Ֆուտբոլի եվրոպական Չեմպիոնների լիգայում մեկնարկեցին քառորդ եզրափակիչի առաջին հանդիպումները։

Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալը» Լոնդոնում 0:3 հաշվով պարտվեց Անգլիայի փոխչեմպիոն «Արսենալին»։

Իսպանացի Միկել Արտետայի գլխավորած թիմից դուբլի հեղինակ դարձավ անգլիացի կիսապաշտպան Դեքլան Ռայսը։ Աչքի ընկավ նաեւ իսպանացի կիսապաշտպան Միկել Մերինոն։

Իտալիայի չեմպիոն Միլանի «Ինտերը» Մյունխենում 2:1 հաշվով պարտության մատնեց Բունդեսլիգայի առաջատար «Բավարիայի» հետ։

38-րդ րոպեին հանդիպման հաշիվը բացեց իտալացի Սիմոն Ինձագիի գլխավորած թիմի արգենտինացի հարձակվող Լաուտարո Մարտինեսը։

85-րդ րոպեին պատասխան գոլը խփեց գերմանացի հարձակվող Թոմաս Մյուլերը, որն ամռանը հեռանալու է «Բավարիայից»։

Հյուրերի հաղթական գոլը 88-րդ րոպեին խփեց իտալացի կիսապաշտպան Դավիդե Ֆրատեզին։

«Ինտերի» մեկնարկային կազմում էր Հայաստանի հավաքականի նախկին ավագ, կիսապաշտպան Հենրիխ Մխիթարյանը, որը փոխարինվեց 74-րդ րոպեին։

.@HenrikhMkh pronto a ripartire #ForzaInter #UCL #BayernMonacoInter pic.twitter.com/0xDhwjtGLp

— Inter  (@Inter) April 8, 2025

Չեմպիոնների լիգա, քառորդ եզրափակիչ, առաջին հանդիպում

Ապրիլի 8

«Արսենալ» - «Ռեալ Մադրիդ»՝ 3:0 (տեսանյութ)

Դեքլան Ռայս, 58, 70, Միկել Մերինո, 75

«Բավարիա» - «Ինտեր»՝ 1:2 (տեսանյութ)

Թոմաս Մյուլեր, 85 - Լաուտարո Մարտինես, 38, Դավիդե Ֆրատեզի, 88

Ապրիլի 9

«Բարսելոնա» - «Բորուսիա Դորտմունդ»՝ 23:00 (Երեւանի ժամանակ)

ՊՍԺ - «Աստոն Վիլա»՝ 23:00

Պատասխան հանդիպումները տեղի կունենան ապրիլի 15-16-ին։

Հետևեք NEWS.am SPORT-ին Facebook-ում, Twitter և Telegram-ում