«Աստոն Վիլան» ուժեղ էր «Վեստ Հեմից» (տեսանյութ)

«Աստոն Վիլան» դուրս եկավ Անգլիայի գավաթի խաղարկության 1/16 եզրափակիչ։

Իսպանացի Ունաի Էմերիի գլխավորած թիմը երրորդ շրջանում ընդունեց Լոնդոնի «Վեստ Հեմին» եւ կամային հաղթանակ տարավ 2:1 հաշվով։

9-րդ րոպեին հյուրերին առաջ մղեց բրազիլացի կիսապաշտպան Լուկաս Պակետան։

71-րդ րոպեին հավասարությունը վերականգնեց «Աստոն Վիլայի» բելգիացի կիսապաշտպան Ամադու Օնանան։ 5 րոպե անց հաղթական գոլի հեղինակ դարձավ անգլիացի կիսապաշտպան Մորգան Ռոջերսը։

«Վեստ Հեմն» առաջին հանդիպումն անցկացրեց նորանշանակ գլխավոր մարզիչ Գրեմ Փոթերի ղեկավարությամբ։

Անգլիայի գավաթի խաղարկություն, 1/32 եզրափակիչ

«Աստոն Վիլա» - «Վեստ Հեմ»՝ 2:1 

Ամադու Օնանա, 71, Մորգան Ռոջերս, 76 - Լուկաս Պակետա, 9

Հետևեք NEWS.am SPORT-ին Facebook-ում, Twitter և Telegram-ում