Իտալիայի գավաթ․ «Յուվենտուսը» դուրս եկավ քառորդ եզրափակիչ (տեսանյութ)

«Յուվենտուսը» դուրս եկավ Իտալիայի գավաթի խաղարկության քառորդ եզրափակիչ։ Թուրինյան թիմը 1/8 եզրափակիչում ընդունեց «Կալյարիին» եւ առավելության հասավ 4:0 հաշվով։

Աչքի ընկան սերբ հարձակվող Դուշան Վլահովիչը, հոլանդացի կիսապաշտպան Տյոն Կոպմեյներսը, պորտուգալացի հարձակվող Ֆրանսիշկու Կոնսեյսաուն եւ արգենտինացի կիսապաշտպան Նիկոլաս Գոնսալեսը։

Քառորդ եզրափակիչում «Յուվենտուսի» մրցակիցը կլինի «Էմպոլին», որը 1/8 եզրափակիչում հաղթել էր «Ֆիորենտինային» (2:2, 11մ՝ 4։3)

Քառորդ եզրափակիչի հանդիպումները տեղի կունենան փետրվարի 5-ին։

Իտալիայի գավաթ, 1/8 եզրափակիչ

«Յուվենտուս» - «Կալյարի»՝ 4:0

Դուշան Վլահովիչ, 44, Տյոն Կոպմեյներս, 53, Ֆրանսիշկու Կոնսեյսաու, 80, Նիկոլաս Գոնսալես, 89

Հետևեք NEWS.am SPORT-ին Facebook-ում, Twitter և Telegram-ում