«Մանչեսթեր Սիթին» բարելավեց ակումբային ռեկորդը Պրեմիեր լիգայում

Անգլիայի չեմպիոն «Մանչեսթեր Սիթին» բարելավեց ակումբային ռեկորդը Պրեմիեր լիգայում անպարտելի անընդմեջ հանդիպումների քանակով՝ 31:

Անգլիայի առաջնության 8-րդ տուրում կատալոնացի Խոսեպ Գվարդիոլայի գլխավորած թիմը 2:1 հաշվով հաղթեց «Վուլվերհեմփթոնին»։

«Մանչեսթեր Սիթին» Պրեմիեր լիգայում չի պարտվել անցած տարվա դեկտեմբերից։ Նախորդ անգամ «Աստոն Վիլային» է հաջողվել հաղթել «Մանչեսթեր Սիթիին» (1:0):

Ավելի տեւական անպարտելի շարք Պրեմիեր լիգայում ունեցել են «Չելսին» (40 խաղ, 2005թ․), «Լիվերպուլը» (44 խաղ, 2020թ․) եւ «Արսենալը» (49 խաղ, 2004թ․)։

Հետևեք NEWS.am SPORT-ին Facebook-ում, Twitter և Telegram-ում