ԵԱ․ Անուշ Գրիգորյանը՝ բրոնզե մեդալակիր

Սերբիայի մայրաքաղաք Բելգրադում անցկացվող բռնցքամարտի Եվրոպայի առաջնությունում Հայաստանի հավաքականից Անուշ Գրիգորյանը բավարարվեց բրոնզե մեդալով։

50 կգ քաշային կարգի կիսաեզրափակիչում երիտասարդների աշխարհի ու Եվրոպայի չեմպիոն Անուշ Գրիգորյանը մենամարտեց իռլանդացի Շենոն Սվինիի հետ, որն առավելության հասավ 5:0 հաշվով։

Ապրիլի 25-ին կիսաեզրափակիչում Հայաստանի թիմից ռինգ դուրս կգան նաեւ  Եվրոպայի չեմպիոն Անի Հովսեփյանը (70 կգ), Բարեղամ Հարությունյանը (48 կգ), Արթուր Սահակյանը (60 կգ), Եվրոպայի փոխչեմպիոն Արթուր Բազեյանը (57 կգ), Արարատ Հարությունյանը (67 կգ), աշխարհի եւ Եվրոպայի բրոնզե մեդալակիր Նարեկ Մանասյանը (92 կգ)։

Եվրոպայի առաջնությունը կավարտվի ապրիլի 28-ին։

Հետևեք NEWS.am SPORT-ին Facebook-ում, Twitter և Telegram-ում