«Ուրարտուի» ակադեմիայի թիմերը ժամանել են Կիպրոս (ֆոտո)

Երեւանի «Ուրարտու» ակումբի ակադեմիայի 2009 և 2013 թվականների առաջին թիմերը ժամանել են Կիպրոս։

Մարտի 23-ից հայ պատանի ֆուտբոլիստները կսկսեն պայքարը Պաֆոսում անցկացվելիք Elite Neon Cup մրցաշարում, որը կտևի 3 օր։  3 տարիքային խմբում ներգրավված է 48 թիմ։

2024 թվականի մրցաշարին իրենց մասնակցությունն արդեն հաստատել են Մադրիդի «Ռեալի», ՊՍԺ-ի, «Յուվենտուսի», «Լիվերպուլի», «Բավարիայի» և «Օլիմպիակոսի» ակադեմիաները:

Մանկապատանեկան մրցաշարն ունի 9 տարվա պատմություն և ընդգրկուն աշխարհագրություն: Այս ընթացքում մրցաշարին մասնակցել է 160 թիմ 40 երկրից, այդ թվում «Միլանը», «Լիվերպուլը», «Մանչեսթեր Սիթին», «Յուվենտուսը», «Բավարիան»: Կիպրոսյան խաղադաշտերում իրենց առաջին միջազգային քայլերն են կատարել այժմ առաջատար ֆուտբոլիստներ Դուշան Վլահովիչը, Ջեյդոն Սանչոն և Ֆիլ Ֆոդենը:

Հետևեք NEWS.am SPORT-ին Facebook-ում, Twitter և Telegram-ում