ՊՍԺ-ն չկարողացավ հաղթել տանը (տեսանյութ)

Ֆրանսիայի առաջնության 25-րդ տուրում չեմպիոն ՊՍԺ-ն ընդունեց «Ռեյմսին»։ Գրանցվեց ոչ ոքի՝ 2:2:

7-րդ րոպեին հանդիպման հաշիվը բացեցին հյուրերը զիմբաբվեցի կիսապաշտպան Մարշալ Մունեցիի գոլի շնորհիվ։ 17-րդ րոպեին սեփական դարպասը գրավեց «Ռեյմսի» մարոկկացի պաշտպան Յունիս Աբդելհամիդը։ 2 րոպե անց ՊՍԺ-ն հաշվի մեջ առաջ մղեց պորտուգալացի հարձակվող Գոնսալու Ռամուշը, սակայն 45-րդ րոպեին հյուրերը խփեցին պատասխան գոլը։ Աչքի ընկավ կոտդիվուարցի հարձակվող Ումար Դիակիտեն։

ՊՍԺ-ն 56 միավորով գլխավորում է մրցաշարային աղյուսակը եւ 10 միավոր առաջ է երկրորդ տեղում գտնվող «Բրեստից»։ «Ռեյմսը» 9-րդն է՝ 35 միավոր։

Ֆրանսիայի առաջնություն, 25-րդ տուր

ՊՍԺ - «Ռեյմս»՝ 2:2 (տեսանյութ)

Յունիս Աբդելհամիդ, 17, ինքնագոլ, Գոնսալու Ռամուշ, 19 - Մարշալ Մունեցի, 7, Ումար Դիակիտե, 45

Հետևեք NEWS.am SPORT-ին Facebook-ում, Twitter և Telegram-ում