Սլովենիայի Ռուսե քաղաքում շարունակվող հրաձգության ISSF Grand Prix միջազգային մրցաշարում Հայաստանը նվաճել է երկրորդ մեդալը, հաղորդում է ՀՀՖ-ի մամուլի ծառայությունը։
10 մետրից օդամղիչ ատրճանակով կանանց պայքարում Էլմիրա Կարապետյանը 579 միավոր արդյունքով, երկրորդ տեղից դուրս է եկել եզրափակիչ փուլ։
2024թ․ Փարիզի Օլիմպիական խաղերի ուղեգիր նվաճած Էլմիրա Կարապետյանը եզրափակիչում 239,6 միավոր արդյունքով դարձել է արծաթե մեդալակիր։
Առաջին օրը 10 մ օդամղիչ ատրճանակով երիտասարդ աղջիկների պայքարում Նարե Գաբրիելյանը եզրափակիչում 239,7 միավորով դարձել էր ոսկե մեդալակիր։
Հետևեք NEWS.am SPORT-ին Facebook-ում, Twitter և Telegram-ում