Անգլիայի առաջնության 37-րդ տուրում «Մանչեսթեր Յունայթեդը» հյուրընկալվեց «Բորնմուտին» եւ հաղթեց նվազագույն հաշվով։ Միակ գոլը 9-րդ րոպեին խփեց բրազիլացի կիսապաշտպան Կազեմիրոն։
36 խաղից հետո «Մանչեսթեր Յունայթեդը» 69 միավորով հավասարվեց երրորդ տեղում գտնվող «Նյուքասլին» (36 խաղ) եւ չորրորդն է։
«Լիվերպուլը» 1:1 հաշվով ոչ ոքի խաղաց «Աստոն Վիլայի» հետ։
27-րդ րոպեին խաղի հաշիվը բացեց «Աստոն Վիլայի» անգլիացի կիսապաշտպան Ջեյքոբ Ռեմսին։ 89-րդ րոպեին պատասխան գոլը խփեց բրազիլացի հարձակվող Ռոբերտո Ֆիրմինոն։
«Լիվերպուլը» 66 միավորով 5-րդ տեղում է։ «Աստոն Վիլան» 58 միավորով 7-րդն է։
Անգլիայի առաջնություն, 37-րդ տուր
«Բորնմուտ» - «Մանչեսթեր Յունայթեդ»՝ 0:1 (տեսանյութ)
Կազեմիրո, 9
«Լիվերպուլ» - «Աստոն Վիլա»՝ 1:1 (տեսանյութ)
Ռոբերտո Ֆիրմինո, 90 - Ջեյքոբ Ռեմսի, 27
Չիրացրած 11մ՝ Օլի Ուոթքինս («Աստոն Վիլա»), 22
Հետևեք NEWS.am SPORT-ին Facebook-ում, Twitter և Telegram-ում