Անգլիայի առաջնության 31-րդ տուրում չեմպիոն «Մանչեսթեր Սիթին» հյուրընկալեց «Լեսթեր Սիթիին»։ Կատալոնացի Խոսեպ Գվարդիոլայի գլխավորած թիմն առավելության հասավ 3:1 հաշվով։
Դաշտի տերերը խաղի հաշիվը բացեցցին 5-րդ րոպեին։ Աչքի ընկավ անգլիացի պաշտպան Ջոն Սթոունզը։ 13-րդ եւ 25-րդ րոպեներին երկու գոլ խփեց նորվեգացի հարձակվող Էրլինգ Հոլանդը։
Նա 32 գոլով կրկնեց «Լիվերպուլի» եգիպտացի հարձակվող Մոհամեդ Սալահը Պրեմիեր լիգայի մեկ մրցաշրջանում (38 հանդիպման ձեւաչափով) խփած գոլերի քանակով։
The joint-most goals in a 38-match #PL season! @ErlingHaaland goes level with @MoSalah pic.twitter.com/5Q7QI4Ucl5
— Premier League (@premierleague) April 15, 2023
«Լեսթեր Սիթին» հաշվի տարբերությունը վերջնամասում կրճատեց նիգերիացի հարձակվող Կելեչի Իհեանաչոյի գոլի շնորհիվ։
30 խաղից հետո «Մանչեսթեր Սիթին» 70 միավորով երկրորդն է եւ 3 միավոր է հետ առաջատար «Արսենալից»։ «Լեսթեր Սիթին» (31 խաղ) նախավերջինն է՝ 25 միավոր։
Անգլիայի առաջնություն, 31-րդ տուր
«Մանչեսթեր Սիթի» - «Լեսթեր Սիթի»՝ 3:1 (տեսանյութ)
Ջոն Սթոունզ, 5, Էրլինգ Հոլանդ, 13, 11մ, 25 - Կելեչի Իհեանաչո, 75
Հետևեք NEWS.am SPORT-ին Facebook-ում, Twitter և Telegram-ում