ԱԱ-2022. Խորվաթիան ուժեղ էր Մարոկկոյից առաջին խաղակեսում (ֆոտո, վիդեո)

Ֆուտբոլի աշխարհի առաջնության երրորդ տեղի համար խաղում մրցում են Խորվաթիայի եւ Մարոկկոյի հավաքականները։ Առաջին խաղակեսում 2:1 հաշվով հաղթեցին խորվաթները:

Արդեն 7-րդ րոպեին խաղի հաշիվը բացեց Խորվաթիան։ Գերմանական «Լայպցիգի» 20-ամյա պաշտպան Յոշկո Գվարդիոլը դարձավ գոլի հեղինակ (տեսանյութ)։ Գոլային փոխանցումը կատարեց Լոնդոնի «Տոտենհեմի» 33-ամյա հարձակվող Իվան Պերիշիչը։

Ընդամենը 2 րոպե անց Մարոկկոյի թիմը կարողացավ վերականգնել հավասարությունը։ Աչքի ընկավ ֆրանսիական «Բրեստի» 23-ամյա պաշտպան Աշրաֆ Դարին (տեսանյութ)։

42-րդ րոպեին Խորվաթիայի երկրորդ գոլը խփեց Զագրեբի «Դինամոյի» 29-ամյա հարձակվող Միսլավ Օրշիչը, որին գոլային փոխանցում կատարեց Սպլիտի «Հայդուկի» 29-ամյա հարձակվող Մարկո Լիվայան (տեսանյութ)։

Ընդմիջում է։

Soooooooo schön...
#CROMAR #FIFAWorldCup pic.twitter.com/E7kEKhP55S

— FIFA Fussball-Weltmeisterschaft (@fifaworldcup_de) December 17, 2022

Խորվաթիայի հավաքականը 1998թ․ ԱԱ-ի բրոնզե, 2018թ․ ԱԱ-ի արծաթե մեդալակիր է։ Մարոկկոն ԱԱ-ի կիսաեզրափակիչ հասած առաջին աֆրիկյան եւ արաբական թիմն է։

Հիշեցնենք, որ կիսաեզրափակիչում Խորվաթիան 0:3 հաշվով պարտվել էր Ամերիկայի գավաթակիր Արգենտինային, Մարոկկոն 0:2 հաշվով պարտություն էր կրել աշխարհի չեմպիոն Ֆրանսիայից։

Zu lange gejubelt und ding-dong, bimmelt's hinten.
#CROMAR #FIFAWorldCup pic.twitter.com/90gAmviv2z

— FIFA Fussball-Weltmeisterschaft (@fifaworldcup_de) December 17, 2022

Notiz zur Anfangsphase: Die wollen beide Dritter werden.
#CROMAR #FIFAWorldCup pic.twitter.com/nyJ59n4T01

— FIFA Fussball-Weltmeisterschaft (@fifaworldcup_de) December 17, 2022

Հետևեք NEWS.am SPORT-ին Facebook-ում, Twitter և Telegram-ում