11:47  ,  15 դեկտեմբերի, 2022

Մբապեն՝ Հակիմիին․ Դու մտար պատմության մեջ

Աշխարհի չեմպիոն Ֆրանսիայի հավաքականի եւ փարիզյան ՊՍԺ-ի 23-ամյա հարձակվող Կիլիան Մբապեն աշխարհի առաջնության կիսաեզրափակիչում Մարոկկոյի թիմի նկատմամբ 2:0 հաշվով հաղթանակից հետո սոցիալական ցանցերում արած գրառումով աջակցել է իր ակումբակից, Մարոկկոյի հավաքականի 24-ամյա պաշտպան Աշրաֆ Հակիմիին։

«Մի՛ տխրիր, եղբայր։ Բոլորը հպարտանում են քո արածով։ Դու մտար պատմության մեջ»,- գրել է Մբապեն։

Մարոկկոն աշխարհի առաջնության կիսաեզրափակիչ դուրս եկած առաջին աֆրիկյան եւ արաբական թիմն է։

Դեկտեմբերի 17-ին բրոնզե մեդալի համար պայքարում Մարոկկոն կխաղա Խորվաթիայի հետ, որը կիսաեզրափակիչում 0:3 հաշվով պարտվել է Արգենտինայի հավաքականին։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով