Բրազիլիան նվաճեց աշխարհի առաջնության 1/8 եզրափակիչի ուղեգիր աշխարհի չեմպիոն Ֆրանսիայից հետո երկրորդը։
Խմբային փուլի երկրորդ տուրի խաղում Բրազիլիայի հավաքականը նվազագույն հաշվով պարտության մատնեց Շվեյցարիայի թիմին։
64-րդ րոպեին շվեյցարացիների դարպասը գրավեց Մադրիդի «Ռեալի» 22-ամյա հարձակվող Վինիսիուս Ժունիորը, սակայն VAR-ը գրանցեց խաղից դուրս վիճակ։
Բրազիլիայի միակ ու հաղթական գոլը 83-րդ րոպեին փայլուն հարվածով խփեց անգլիական «Մանչեսթեր Յունայթեդի» 30-ամյա կիսապաշտպան Կազեմիրոն, որին գոլային փոխանցում կատարեց «Ռեալի» 21-ամյա հարձակվող Ռոդրիգոն։
G խմբում Բրազիլիան 6 միավորով եւ գոլերի 3:0 տարբերությամբ առաջինն է եւ փլեյ-օֆֆում է։ Շվեյցարիան 3 միավորով երկրորդն է։ 1-ական միավոր ունեն Կամերունն ու Սերբիան։
Առաջին տուրում Բրազիլիան 2:0 հաշվով հաղթել էր Սերբիային, Շվեյցարիան նվազագույն հաշվով պարտության էր մատնել Կամերունին։
Վերջին տուրում դեկտեմբերի 2-ին Բրազիլիան կխաղա Կամերունի, Շվեյցարիան՝ Սերբիայի հետ։
ԱԱ-2022․ G խումբ, երկրորդ տուր
Բրազիլիա - Շվեյցարիա` 1:0 (տեսանյութ)
Կազեմիրո, 83
Ժան-Շառլ Կաստելետո, 29, Վենսան Աբուբաքար, 63, Էրիկ Շուպո-Մոտինգ, 66 - Ստրախինյա Պավլովիչ, 45+1, Սերգեյ Միլինկովիչ-Սավիչ, 45+3, Ալեքսանդր Միտրվիչ 53
Մրցաշարային դրություն․ Բրազիլիա` 6 միավոր, Շվեյցարիա՝ 3, Կամերուն` 1, Սերբիա՝ 1:
We're back for the second half of !#FIFAWorldCup | #Qatar2022
— FIFA World Cup (@FIFAWorldCup) November 28, 2022
#FIFAWorldCup | #Qatar2022 pic.twitter.com/Q5wQsatvgR
— FIFA World Cup (@FIFAWorldCup) November 28, 2022
Brazil have booked their ticket to the Round of 16@adidasfootball | #FIFAWorldCup
— FIFA World Cup (@FIFAWorldCup) November 28, 2022
Հետևեք NEWS.am SPORT-ին Facebook-ում, Twitter և Telegram-ում