Յուրգեն Կլոպ․ Ես կնախընտրեի «Մանչեսթեր Յունայթեդի» հետ խաղալ նրանց հաղթանակներից հետո

Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպը խոսել է «Մանչեսթեր Յունայթեդի» դեմ առաջիկա դիմակայության մասին։ Թիմերը կհանդիպեն Անգլիայի առաջնության երրորդ տուրում։

Պրեմիեր լիգայի անցած մրցաշրջանում «Լիվերպուլը» «Մանչեսթեր Յունայթեդին» հաղթել է  5:0 եւ 4:0 հաշվով։

«Ես կնախընտրեի «Մանչեսթեր Յունայթեդի» հետ խաղալ նրանց հաղթանակներից հետո։ Դեռ անցած մրցաշրջանում հասկանում էի, որ այդ հաղթանակները ոչ մի նշանակություն չեն ունենա հաջորդ մրցաշրջանում։ Այդ արդյունքներն արդեն ոչ մի կարեւորություն չունեն։ Տարբեր հանդիպումներ են, տարբեր իրավիճակներ։

«Մանչեսթեր Յունայթեդի» ֆուտբոլիստներն այժմ ավելի մոտիվացված կլինեն»,- Յուրգեն Կլոպի խոսքը մեջբերում է BBC-ն։

«Մանչեսթեր Յունայթեդ» - «Լիվերպուլ» հանդիպումը տեղի կունենա օգոստոսի 22-ի «Օլդ Տրաֆորդում»։

Հետևեք NEWS.am SPORT-ին Facebook-ում, Twitter և Telegram-ում