14:10  ,  29 հունիսի, 2022

«Ֆիորենտինան» համաձայնության է հասել «Ռեալի» հետ

Իտալական «Ֆիորենտինան» համաձայնության է հասել Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» հետ Սերբիայի հավաքականի 24-ամյա հարձակվող Լուկա Յովիչի տեղափոխության հարցում, հաղորդում է twitter.com/dimarzio-ն։ Կողմերը կկնքեն մեկ տարվա վարձակալության պայմանագիր։

Անցած մրցաշրջանում Լուկա Յովիչը իտալացի Կառլո Անչելոտիի գլխավորած թիմի հետ բոլոր մրցաշարերում մասնակցել է 19 հանդիպման, խփել 1 գոլ։ Նախանցած մրցաշրջանի երկրորդ կեսը Լուկա Յովիչը վարձակալությամբ անցկացրել էր Ֆրանկֆուրտի «Այնտրախտում»՝ Գերմանիայի առաջնության 18 խաղում խփելով 4 գոլ։

«Ռեալը» Լուկա Յովիչին գնել է 2019թ․ ամռանը Ֆրանկֆուրտի «Այնտրախտից» 60 միլիոն եվրոյի դիմաց՝ կնքելով 6 տարվա պայմանագիր։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English