Շատ ուրախ եմ, բայց դեռ չեմ հասկանում, թե ինչ եմ արել: Այս մասին լրագրողների հետ զրույցում ասաց Եվրոպայի նորընծա չեմպիոն, 2021 թվականի Եվրոպայի բրոնզե մեդալակիր Դավիթ Հովհաննիսյանը:
Նախորդ գիշեր Դավիթ Հովհաննիսյանը թիմակիցների հետ Ալբանիայից վերադարձավ հայրենիք: «Զվարթնոց» օդանավակայանում մեծ շուքով դիմավորեցին չեմպիոններին եւ մեդալակիրներին:
«Ուրախ եմ այս հաղթանակի կապակցությամբ: Շատ լավ պատրաստվել էի: Վնասվածքներ ունեի, բայց հաջողվեց մրցահարթակում հաղթահարել վնասվածքները, եւ այդ ամենը լավ պատրաստված լինելու շնորհիվ է: Շատ ուրախ եմ, բայց այս պահին առանձնապես զգացողություններ չունեմ: Կարծում եմ՝ ժամանակի ընթացքում կհասկանամ, թե ինչ եմ արել: Տարբերություն չկար, որ իմ քաշային կարգում Եվրոպայի չեմպիոնի կոչման համար պայքարում էի իմ թիմակցի՝ Արա Աղանյանի հետ: Շատ ուրախ եմ, որ նա նույնպես մեդալ նվաճեց:
Դժվար հարց է ինձ համար, թե ում եմ նվիրում հաղթանակս: Թերեւս այս հարցին չեմ պատասխանի: Առաջիկայում կպատրաստվեմ աշխարհի առաջնությանը այս նույն՝ 96 կգ քաշային կարգում, հետագայում արդեն կմտածենք Օլիմպիական խաղերի մասին»,- ասաց Դավիթ Հովհաննիսյանը:
96 կգ քաշային Դավիթ Հովհաննիսյանը Եվրոպայի չեմպիոն հռչակվեց երկամարտի 377 կգ արդյունք (171+206):
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
23:53 , 26 ապրիլի 
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
19:00 , 26 ապրիլի 
