Սլովենիայում անցկացվող շախմատի Եվրոպայի անհատական առաջնության վերջին տուրից առաջ առաջատարներն են Հայաստանի հավաքականի առաջին համար Գաբրիել Սարգսյանն ու գերմանացի Մատիաս Բլյուբաումը։ Նրանք վաստակել են 8-ական միավոր։
Նախավերջին տուրում Գաբրիել Սարգսյանը սպիտակ ֆիգուրներով պարտության մատնեց ադրբեջանցի Աբդուլա Գադիմբայլիին։ Մատիաս Բլյուբաումը ոչ ոքի խաղաց ֆրանսիացի Մաքսիմ Լագարդի հետ։
Հայաստանի մյուս ներկայացուցիչներից լավագույն արդյունքն ունեն Սամվել Տեր-Սահակյանն ու Հայկ Մ․ Մարտիրոսյանը, որոնք 7-ական միավորով բաժանում են 6-25-րդ տեղերը։
Վերջին տուրը կանցկացվի ապրիլի 6-ին։
Հետևեք NEWS.am SPORT-ին Facebook-ում, Twitter և Telegram-ում