ԵԱ․ Գաբրիել Սարգսյանն ու Մատիաս Բլյուբաումը կիսում են առաջին տեղը

00:10   6 ապրիլի, 2022

Սլովենիայում անցկացվող շախմատի Եվրոպայի անհատական առաջնության վերջին տուրից առաջ առաջատարներն են Հայաստանի հավաքականի առաջին համար Գաբրիել Սարգսյանն ու գերմանացի Մատիաս Բլյուբաումը։ Նրանք վաստակել են 8-ական միավոր։

Նախավերջին տուրում Գաբրիել Սարգսյանը սպիտակ ֆիգուրներով պարտության մատնեց ադրբեջանցի Աբդուլա Գադիմբայլիին։ Մատիաս Բլյուբաումը ոչ ոքի խաղաց ֆրանսիացի Մաքսիմ Լագարդի հետ։

Հայաստանի մյուս ներկայացուցիչներից լավագույն արդյունքն ունեն Սամվել Տեր-Սահակյանն ու Հայկ Մ․ Մարտիրոսյանը, որոնք 7-ական միավորով բաժանում են 6-25-րդ տեղերը։

Վերջին տուրը կանցկացվի ապրիլի 6-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։