Նատալյա Ռոտենբերգը՝ ՀՄՖ փոխնախագահ

Նախկին մարմնամարզուհի, բալետի պարուհի Նատալյա Ռոտենբերգը նշանակվել է Հայաստանի մարմնամարզության ֆեդերացիայի փոխնախագահ եւ կղեկավարի գեղարվեստական մարմնամարզությունը։ Այս մասին NEWS.am Sport-ի թղթակցին հայտնեցին ֆեդերացիայից։

Քիչ առաջ ԿԳՄՍ նախարարությունում տեղի է ունեցել հանդիպում  ՀՄՖ նախագահ Գագիկ Վանոյանի, ԿԳՄՍ փոխնախարար Կարեն Գիլոյանի մասնակցությամբ։ Նատալյա Ռոտենբերգը ստանձնել է փոխնախագահի պաշտոնը։

Ավելի վաղ տեղի էր ունեցել ֆեդերացիայի ժողով, որի ընթացքում ներկայացվել է Ռոտենբերգի թեկնածությունը։ ՀՄՖ խորհրդի որոշմամբ Նատալյա Ռոտենբերգը  նշանակվել է ՀՄՖ փոխնախագահ գեղարվեստական մարմնամարզության գծով։

Լուսինե Շահբազյան

Հետևեք NEWS.am SPORT-ին Facebook-ում, Twitter և Telegram-ում