02:28  ,  4 փետրվարի, 2022

Իսպանիայի գավաթ․ «Ռեալը» պարտվեց եւ ավարտեց պայքարը (տեսանյութ)

Մադրիդի «Ռեալը» դուրս մնաց Իսպանիայի գավաթի խաղարկությունից։

Քառորդ եզրափակիչում իտալացի Կառլո Անչելոտիի գլխավորած թիմը Բիլբաոյում հյուրընկալվեց «Աթլետիկին» եւ պարտություն կրեց նվազագույն հաշվով։

Միակ գոլը 89-րդ րոպեին խփեց իսպանացի հարձակվող Ալեխանդրո Բերենգերը։

Քառորդ եզրափակիչի նախորդ երեք դիմակայություններում «Բետիսը» 4։0 հաշվով հաղթել էր «Ռեալ Սոսյեդադին», «Վալենսիան»՝ «Կադիսին» (2:1), «Ռայո Վալյեկանոն»՝ «Մալյորկային» (1։0)։

Կիսաեզրափակիչի զույգերը կորոշվեն վիճակահանությամբ։

Իսպանիայի գավաթ, քառորդ եզրափակիչ

«Աթլետիկ Բիլբաո» - «Ռեալ Մադրիդ»՝ 1։0 (տեսանյութ)

Ալեխանդրո Բերենգեր, 89

Հետևեք NEWS.am SPORT-ին Facebook-ում, Twitter և Telegram-ում