Հունվարի 24-29-ը Երեւանում անցկացվելիք բռնցքամարտի Հայաստանի առաջնությունը կլինի ընտրական։ Մրցանակակիրները կնախապատրաստվեն մայիսի 21-31-ը Երևանում անցկացվելիք Եվրոպայի առաջնությանը: Վերջնական կազմը կհրապարակվի նախատեսված միջոցառումներից հետո:
Ծաղկաձորում փետրվարի 7-20-ը, այնուհետև Երևանում փետրվարի 25-ից մարտի 9-ը կկազմակերպվեն ուսումնամարզական հավաքներ: Նախատեսված է նաև մասնակցություն 1-2 միջազգային մրցաշարի: Այդ մասին ՀԱՕԿ-ի լրատվականին հայտնել է Հայաստանի հավաքականի գլխավոր մարզիչ Կարեն Աղամալյանը:
Հայաստանի երիտասարդ բռնցքամարտիկները կմասնակցեն Խորվաթիայում մարտի 11-24-ը անցկացվելիք Եվրոպայի մինչև 22 տարեկանների առաջնությանը։
Հետևեք NEWS.am SPORT-ին Facebook-ում, Twitter և Telegram-ում