Ինձագի. Բոլորը գիտեն, որ Մոուրինյոյի համար առաջիկա դիմակայությունն առանձնահատուկ է

Իտալիայի առաջնության 16-րդ տուրում չեմպիոն «Ինտերը» կհյուրընկալվի «Ռոմային»։ Միլանյան թիմի իտալացի գլխավոր մարզիչ Սիմոնե Ինձագին խոսել է առաջիկա դիմակայության մասին։

«Մեզ սպասվում է մրցաշրջանի ամենակարեւոր հանդիպումը։ Պետք է շատ ուշադիր լինենք եւ ցուցադրենք ոչ միայն թիմային խաղ, այլեւ անհատական վարպետություն։ Հիմա մենք ավելի մոտ ենք առաջին տեղին, բայց չի կարելի թուլանալ։

Ինձ համար սա արդեն հռոմեական դերբի չէ, չնայած իմ անցյալին։ Ես ամբողջովին խորասուզվել եմ «Ինտերի» նախագծում։ Ինչ վերաբերում է վնասվածքներ ունեցող ֆուտբոլիստներին, ապա քիչ հավանական է, որ Կոլարովն ու Դե Վրեյը կխաղան։ Բաստոնին լավ է զգում իրեն, բայց մասնակցության վերաբերյալ որոշում կլինի հանդիպման օրը։

Ես երբեք չեմ հանդիպել Մոուրինյոյի հետ։ Հաճելի կլինի ծանոթանալ մի մարդու հետ, որի ղեկավարությամբ «Ինտերը» երեք տիտղոս է նվաճել մեկ մրցաշրջանում։ Բոլորը գիտեն, որ Մոուրինյոյի համար առաջիկա դիմակայությունն առանձնահատուկ է»,- Ինձագիի խոսքը մեջբերում է Sky Italia-ն։

«Ռոմա» - «Ինտեր» հանդիպումը տեղի կունենա դեկտեմբերի 4-ին եւ կմեկնարկի Երեւանի ժամանակով 21։00-ին:

Հետևեք NEWS.am SPORT-ին Facebook-ում, Twitter և Telegram-ում