14:21  ,  28 հոկտեմբերի, 2021

Ռոնալդուին պարտավորեցրել են քանդել առանց թույլտվության կառուցած կորտն ու կցակառույցը

Անգլիական «Մանչեսթեր Յունայթեդի» 36-ամյա պորտուգալացի հարձակվող Կրիշտիանու Ռոնալդուին պարտավորեցրել են քանդել Պորտուգալիայում գտնվող իր առանձնատան տարածքում կառուցած թենիսի կորտնու կցակառույցը, որոնց թույլտվությունը տեղական իշխանություններից չի ստացել, հաղորդում է Marca-ն։

Տերաշ դի Բորու բնակավայրի համայնքային ղեկավար Մանուել Տիբոն հայտնել է, որ ֆուտբոլիստը համաձայնեցրել է հիմնական նախագիծը, սակայն հետագայում ինքնակամ լրացումներ է արել։ Առանձնատան ընդհանուր արժեքը գնահատվում է 2,7 միլիոն եվրո։

Հիշեցնենք, որ այս տարվա օգոստոսի 27-ին Ռոնալդուն Թուրինի «Յուվետուսից» տեղափոխվեց անգլիական «Մանչեսթեր Յունայթեդ», որի կազմում հանդես է եկել նաեւ 2003-2009 թվականներին։

Հետևեք NEWS.am SPORT-ին Facebook-ում, Twitter և Telegram-ում


  • Լրահոս