Պաուլու Ֆոնսեկան՝ «Նյուքասլի» գլխավոր մարզիչի թեկնածու

Անգլիական «Նյուքասլը» գլխավոր մարզիչի հիմնական թեկնածուների շարքում դիտարկում է Դոնեցկի «Շախտյորի» եւ իտալական «Ռոմայի» նախկին գլխավոր մարզիչ Պաուլու Ֆոնսեկային, հաղորդում է Sky Sports–ը։

Պաուլու Ֆոնսեկան ամռանը «Ռոմայից» հեռացվելուց հետո առայժմ չունի մարզչական աշխատանք։

«Նյուքասլը» մտադիր է հեռացնել Սթիվ Բրյուսին եւ դիտարկում է նաեւ Բելգիայի հավաքականի գլխավոր մարզիչ Ռոբերտո Մարտինեսի, շոտլանդական «Գլազգո Ռեյնջերսի» գլխավոր մարզիչ Սթիվեն Ջերարդի եւ իսպանական «Վիլյառեալի» գլխավոր մարզիչ Ունաի Էմերիի թեկնածությունները։

Անգլիայի առաջնության 8 տուրից հետո «Նյուքասլը» 3 միավորով նախավերջինն է։ Թիմը կրել է 5 պարտություն, 3 հանդիպում ավարտել է ոչ ոքի։

Հիշեցնենք, որ Սաուդյան Արաբիայի ներդրումների հիմնադրամը 300 միլիոն եվրոյով գնել է «Նյուքասլը» եւ առաջիկա երկու տրանսֆերային պատուհանների ընթացքում կազմը ուժեղացնելու համար մտադիր է ծախսել 200 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում