GOAAALLL!!!! @tammyabraham assist, @HenrikhMkh goal!
— AS Roma English (@ASRomaEN) August 22, 2021
VAR confirms it!#ASRoma #RomaFiorentina pic.twitter.com/E3uF9vBvJ5
Ֆուտբոլի Իտալիայի առաջնության մեկնարկային տուրում «Ռոման» ընդունեց «Ֆիորենտինային»։ Պորտուգալացի Ժոզե Մոուրինոյի գլխավորած թիմը հաղթանակ տարավ 3։1 հաշվով։
Արդեն 17-րդ րոպեին վերջին հույսի խախտման համար հեռացվեց հյուրերի լեհ դարպասապահ Բարտլոմեյ Դրոնգովսկին։ Դրանից հետո իսպանացի հարձակվող Խոսե Կալիեխոնի փոխարեն խաղադաշտ դուրս եկավ իտալացի դարպասապահ Պիետրո Տերաչիանոն։
Ա Սերիայի նոր մրցաշրջանում «Ռոմայի» առաջին գոլը խփեց Հայաստանի հավաքականի կիսապաշտպան Հենրիխ Մխիթարյանը, որն աչքի ընկավ 26-րդ րոպեին։ Գոլային փոխանցումը կատարեց հռոմեական թիմի նորեկ, անգլիացի հարձակվող Թեմի Աբրահամը։ Գոլը գրանցվեց VAR-ի կիրառումից հետո։ Մխիթարյանը խաղից դուրս վիճակում չէր փոխանցման պահին։
52-րդ րոպեին երկրորդ դեղին քարտ համար հեռացվեց «Ռոմայի» իտալացի կիսապաշտպան Նիկոլո Ձանյոլոն։
60-րդ րոպեին «Ֆիորենտինան» կարողացավ վերականգնել հավասարությունը սերբ պաշտպան Նիկոլա Միլենկովիչի գոլի շնորհիվ։
4 րոպե անց «Ռոմայի» երկրորդ գոլը խփեց ֆրանսիացի կիսապաշտպան Ժորդան Վերետուն։ Գոլային փոխանցումը դարձյալ կատարեց Թեմի Աբրահամը։ 80-րդ րոպեին Վերետուն ձեւակերպեց դուբլ։ Թիմի նորեկ, ուզբեկ հարձակվող Էլդոր Շոմուրոդովը դարձավ գոլային փոխանցման հեղինակ։ Նա փոխարինել էր Աբրահամին։
Հենրիխ Մխիթարյանին 84-րդ րոպեին փոխարինեց իտալացի հարձակվող Ստեֆան Էլ-Շաարավին։
Հռոմի «Օլիմպիական» ստադիոնում ներկա էր 26 հազար 997 հանդիսական։
BENTORNATI A CASA
— AS Roma (@OfficialASRoma) August 22, 2021
Questa sera siamo 26.997
Grazie #RomaFiorentina pic.twitter.com/ClYl3TnjnL
«Ռոման» հավասարվեց առաջին տուրում հաղթանակներ տարած «Ինտերին», «Լացիոյին», «Նապոլիին», «Բոլոնիային», «Սասուոլոյին», «Ատալանտային»։
Իտալիայի առաջնություն, առաջին տուր
«Ռոմա» - «Ֆիորենտինա»՝ 3։1 (տեսանյութ)
Հենրիխ Մխիթարյան, 26, Ժորդան Վերետու, 64, 80 - Նիկոլա Միլենկովիչ, 60
Հեռացումներ՝ Նիկոլո Ձանյոլո («Ռոմա»), 52, երկրորդ դեղին քարտ – Բարտլոմեյ Դրոնգովսկի («Ֆիորենտինա»), 17
Up and running in 2021-22!
— AS Roma English (@ASRomaEN) August 22, 2021
#ASRoma #RomaFiorentina pic.twitter.com/asDJ80gmoG
«Նապոլի» - «Վենեցիա»՝ 2։0
Լորենցո Ինսինիե, 62, 11մ, Էլիֆ Էլմաս, 72
Չիրացրած 11մ՝ Լորենցո Ինսինիե, 57
Հեռացում՝ Վիկտոր Օսիմեն («Նապոլի»), 23
Հետևեք NEWS.am SPORT-ին Facebook-ում, Twitter և Telegram-ում