«Ռոմայի» հաղթանակն ու Հենրիխ Մխիթարյանի գոլը (ֆոտո, վիդեո)

00:39   23 օգոստոսի, 2021

Ֆուտբոլի Իտալիայի առաջնության մեկնարկային տուրում «Ռոման» ընդունեց «Ֆիորենտինային»։ Պորտուգալացի Ժոզե Մոուրինոյի գլխավորած թիմը հաղթանակ տարավ 3։1 հաշվով։

Արդեն 17-րդ րոպեին վերջին հույսի խախտման համար հեռացվեց հյուրերի լեհ դարպասապահ Բարտլոմեյ Դրոնգովսկին։ Դրանից հետո իսպանացի հարձակվող Խոսե Կալիեխոնի փոխարեն խաղադաշտ դուրս եկավ իտալացի դարպասապահ Պիետրո Տերաչիանոն։

Ա Սերիայի նոր մրցաշրջանում «Ռոմայի» առաջին գոլը խփեց Հայաստանի հավաքականի կիսապաշտպան Հենրիխ Մխիթարյանը, որն աչքի ընկավ 26-րդ րոպեին։ Գոլային փոխանցումը կատարեց հռոմեական թիմի նորեկ, անգլիացի հարձակվող Թեմի Աբրահամը։ Գոլը գրանցվեց VAR-ի կիրառումից հետո։ Մխիթարյանը խաղից դուրս վիճակում չէր փոխանցման պահին։

52-րդ րոպեին երկրորդ դեղին քարտ համար հեռացվեց «Ռոմայի» իտալացի կիսապաշտպան Նիկոլո Ձանյոլոն։

60-րդ րոպեին «Ֆիորենտինան» կարողացավ վերականգնել հավասարությունը սերբ պաշտպան Նիկոլա Միլենկովիչի գոլի շնորհիվ։

4 րոպե անց «Ռոմայի» երկրորդ գոլը խփեց ֆրանսիացի կիսապաշտպան Ժորդան Վերետուն։ Գոլային փոխանցումը դարձյալ կատարեց Թեմի Աբրահամը։ 80-րդ րոպեին Վերետուն ձեւակերպեց դուբլ։ Թիմի նորեկ, ուզբեկ հարձակվող Էլդոր Շոմուրոդովը դարձավ գոլային փոխանցման հեղինակ։ Նա փոխարինել էր Աբրահամին։

Հենրիխ Մխիթարյանին 84-րդ րոպեին փոխարինեց իտալացի հարձակվող Ստեֆան Էլ-Շաարավին։

Հռոմի «Օլիմպիական» ստադիոնում ներկա էր 26 հազար 997 հանդիսական։

«Ռոման» հավասարվեց առաջին տուրում հաղթանակներ տարած «Ինտերին», «Լացիոյին», «Նապոլիին», «Բոլոնիային», «Սասուոլոյին», «Ատալանտային»։

Իտալիայի առաջնություն, առաջին տուր

«Ռոմա» - «Ֆիորենտինա»՝ 3։1 (տեսանյութ)

Հենրիխ Մխիթարյան, 26, Ժորդան Վերետու, 64, 80 - Նիկոլա Միլենկովիչ, 60

Հեռացումներ՝ Նիկոլո Ձանյոլո («Ռոմա»), 52, երկրորդ դեղին քարտ – Բարտլոմեյ Դրոնգովսկի («Ֆիորենտինա»), 17

«Նապոլի» - «Վենեցիա»՝ 2։0 

Լորենցո Ինսինիե, 62, 11մ, Էլիֆ Էլմաս, 72

Չիրացրած 11մ՝ Լորենցո Ինսինիե, 57

Հեռացում՝ Վիկտոր Օսիմեն («Նապոլի»), 23



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.