Մարտիրոսյանը հաղթեց Մամեդյարովին թայ–բրեյքի առաջին պարտիայում

Սոչիում անցկացվող շախմատի աշխարհի գավաթի խաղարկության 1/32 եզրափակիչում Հայաստանի ներկայացուցիչ, 21–ամյա Հայկ Մ. Մարտիրոսյանն (2648) թայ–բրեյքի առաջին պարտիայում սեւ ֆիգուրներով 91–րդ քայլում պարտության մատնեց Ադրբեջանի հավաքականի առաջատար, համաշխարհային վարկանիշային աղյուսակը 6–րդ համար, 36–ամյա Շաքրիյար Մամեդյարովին (2770)։

Մի քանի րոպե հետո կմեկնարկի արագ խաղի երկրորդ պարտիան։

Հիշեցնենք, որ հուլիսի 19–ին հայ գրոսմայստերը երկրորդ դասական պարտիայում սեւ ֆիգուրներով պարտվել էր 86–րդ քայլում։

Հայկ Մ․ Մարտիրոսյանը առաջին դասական պարտիայում սպիտակներով հաղթանակ էր տարել Մամեդյարովի նկատմամբ։

Հայկ Մ․ Մարտիրոսյանը աշխարհի գավաթի խաղարկությունում Հայաստանի վերջին ներկայացուցիչն է։

Հետևեք NEWS.am SPORT-ին Facebook-ում, Twitter և Telegram-ում