18:48  ,  9 հուլիսի, 2021

«Լիվերպուլը» 40 միլիոն եվրո կառաջարկի «Աթլետիկոյի» կիսապաշտպանի համար

Անգլիական «Լիվերպուլը» հետաքրքրված է Իսպանիայի չեմպիոն Մադրիդի «Աթլետիկոյի» իսպանացի կիսապաշտպան Սաուլ Նյիգեսի ծառայություններով։ Գերմանացի Յուրգեն Կլոպի գլխավորած թիմը 26–ամյա ֆուտբոլիստի համար կառաջարկի 40 միլիոն եվրո, հաղորդում է իսպանական AS–ը։

Սաուլի պայմանագիրն «Աթլետիկոյի» հետ նախատեսված է մինչեւ 2026թ. հունիս։

«Լիվերպուլում» վստահ են, որ Սաուլը կկարողանա փոխարինել ՊՍԺ տեղափոխված հոլանդացի Ժորժինյո Վեյնալդումին։

Transfermarkt–ը եւս Սաուլի տրանսֆերային արժեքը գնահատում է 40 միլիոն եվրո։

Անցած մրցաշրջանում Սաուլը «Աթլետիկոյի» հետ մասնակցել է 33 հանդիպման, խփել 2 գոլ, կատարել 1 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English