«Լիլի» դարպասապահն ամենաշատ «չոր» խաղերն է անցկացրել Եվրոպայի թոփ-5 լիգաներում (ֆոտո)

Ֆուտբոլի Ֆրանսիայի նորընծա չեմպիոն «Լիլի» դարպասապահ Մայք Մենյանը Եվրոպայի թոփ-5 առաջնություններում (Անգլիա, Իսպանիա, Գերմանիա, Իտալիա, Ֆրանսիա) ամենաշատ «չոր» հանդիպումներն է անցկացրել այս մրցաշրջանում, հայտնում է Opta-ն:

Ֆրանսիայի ավարտված առաջնությունում 25-ամյա ֆրանսիացին 38 խաղերում սեփական դարպասն անառիկ է պահել 21 անգամ: Երկրորդ տեղում է Անգլիայի նորընծա չեմպիոն «Մանչեսթեր Սիթիի» բրազիլացի դարպասապահ Էդերսոնը (19 «չոր» հանդիպում), իսկ եռյակը եզրափակում է Իսպանիայի Լա Լիգայում հաղթած Մադրիդի «Աթլետիկոյի» սլովենացի դարպասապահ Յան Բլակը (18 «չոր» հանդիպում):

Լավագույն հնգյակում են նաև Մադրիդի «Ռեալի» բելգիացի դարպասապահ Տիբո Կուրտուան (17 «չոր» հանդիպում) ու Լոնդոնի «Չելսիի» ներկայացուցիչ Էդուար Մենդին (16 «չոր» հանդիպում):

21 - Mike #Maignan è il portiere che ha mantenuto più volte la porta inviolata (21) in questa stagione nei top-5 campionati europei. Ragno. pic.twitter.com/AJaMzhbdGR

— OptaPaolo (@OptaPaolo) May 25, 2021

Հետևեք NEWS.am SPORT-ին Facebook-ում, Twitter և Telegram-ում