15:35 , 15 մարտի, 2021

2 հայ ֆուտբոլիստներ Ռուսաստանի Մ-21 հավաքականի կազմում կմասնակցեն Եվրո-2021-ին (ֆոտո)

Ֆուտբոլի Ռուսաստանի երիտասարդական հավաքականի մարզչական շտաբը հրապարակել է թիմի հայտացուցակը 2021թ. Եվրոպայի առաջնության եզրափակիչ փուլի համար, հայտնում է Ռուսաստանի ֆուտբոլային միության մամուլի ծառայությունը։

Հայտացուցակում տեղ են գտել 2 հայ ֆուտբոլիստներ՝ Մոսկվայի ԲԿՄԱ-ի 21-ամյա կիսապաշտպան Նաիր Տիկնիզյանը և Մոսկվայի «Դինամոյի» 17-ամյա խաղացող Արսեն Զախարյանը։

Հիշեցնենք, որ մարտի 23-31-ը Հունգարիայում անցկացվելիք Եվրո-2021-ի խմբային փուլում Ռուսաստանի թիմի մրցակիցները կլինեն Ֆրանսիայի, Դանիայի ու Իսլանդիայի Մ-21 հավաքականները։