22:47  ,  11 հունվարի, 2021

Մուսա Դեմբելեն «Լիոնից» կտեղափոխվի «Աթլետիկո»

Ֆրանսիական «Լիոնի» հարձակվող Մուսա Դեմբելեն կարիերան կշարունակի Մադրիդի «Աթլետիկոյում», հաղորդում է իսպանական AS-ը։

«Աթլետիկոն» 24-ամյա ֆրանսիացի ֆուտբոլիստի հետ կկնքի վարձակալության պայմանագիր, հետագայում տրանսֆերը 35 միլիոն եվրոյով ձեռք բերելու ոչ պարտադիր պայմանով։ Դեմբելեն սպասում է կորոնավիրուսի թեստի պատասխանին Մադրիդ մեկնելու համար։

Դեմբելեն դեկտեմբերին ձեռքի կոտրվածք էր ստացել մարզման ժամանակ, բայց արդեն վերսկսել է լիարժեք մարզումները։ Ֆրանսիայի ընթացիկ առաջնությունում նա մասնակցել է 16 հանդիպման, խփել 1 գոլ։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English