Թոմաս Տուխելը չի երկարաձգի պայմանագիրը ՊՍժ-ի հետ

Ֆրանսիայի չեմպիոն ՊՍԺ-ի գլխավոր մարզիչ Թոմաս Տուխելը ցանկություն չունի երկարաձգել համագործակցությունը փարիզյան ակումբի հետ, հաղորդում է Le Parisien-ը։

Եթե ՊՍԺ-ի ղեկավարությունն առաջարկի էլ նոր պայմանագիր, 47-ամյա գերմանացի մասնագետը չի ընդունի այն։

Թոմաս Տուխելի գործող պայմանագիրը ֆրանսիական ակումբի հետ նախատեսված է մինչեւ 2021թ․ հունիս։

Տուխելը ՊՍԺ-ն գլխավորում է 2018 թվականից։ Նրա հետ թիմը երկու անգամ անընդմեջ դարձել է Ֆրանսիայի չեմպիոն։ Չեմպիոնների լիգայի անցած մրցաշրջանում ՊՍԺ-ն հասավ եզրափակիչ եւ 0։1 հաշվով պարտվեց Գերմանիայի չեմպիոն Մյունխենի «Բավարիային»։

Հետևեք NEWS.am SPORT-ին Facebook-ում, Twitter և Telegram-ում