Մադրիդի «Աթլետիկոյի» իսպանացի հարձակվող Ալվարո Մորատան ժամանել է Թուրին, որտեղ կմիանա Իտալիայի չեմպիոն «Յուվենտուսին»:
Իտալական ակումբը սոցցանցերում հրապարակել է Մորատայի լուսանկարը և կատարել հետևյալ գրառումը. «Մորատան վերադարձել է քաղաք»:
Ավելի վաղ հայտնի էր դարձել, որ «Յուվենտուսը» կվարձակալի Իսպանիայի հավաքականի 27-ամյա ֆուտբոլիստին: Մեկ տարվա վարձակալության համար թուրինցիները կվճարեն 10 միլիոն եվրո, իսկ հաջորդ ամռանը հնարավորություն կունենա 45 միլիոն եվրոյով գնել նրա տրանսֆերային իրավունքը։ Մորատան «Յուվենտուսում» հանդես է եկել 2014-2016-ին՝ 63 խաղում դառնալով 15 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում