Նիստի անդամները «Լոռիի» չներկայանալը համարեցին անհարգելի և համաձայն ՀՖՖ կարգապահական և էթիկայի կանոնակարգի 33-րդ հոդվածի 5-րդ կետի «ՈՒրարտու» ֆուտբոլային ակումբին շնորհեցին տեխնիկական հաղթանակ՝ 3:0 հաշվով։
Հիշեցնենք, որ կորոնավիրուսի համավարակով պայմանավորված խնդիրների պատճառով «Լոռին» չէր ներկայացել Երևանի «Ուրարտուի» դեմ ֆուտբոլի Հայաստանի Պրեմիեր լիգայի առաջին տուրի խաղին:
Ավելի վաղ «Լոռիի» նախագահ Թովմաս Գրիգորյանը NEWS.am Sport-ի թղթակցի հետ զրույցում հայտարարել էր, որ «Լոռին» որոշում է ընդունել շարունակել մրցելույթները Հայաստանի Պրեմիեր լիգայում: