14:52  +04,  28 հուլիսի, 2020

UFC-ի նախագահը խոստացել է հրաժեշտի մենամարտ կազմակերպել Նուրմագոմեդովի համար

UFC-ի նախագահ Դանա Ուայթը հայտարարել է, որ խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովն այս տարի կարող է իր վերջին մենամարտը անցկացնել:

«Նուրմագոմեդովին UFC-ում մնացել է անցկացնելու 2 մենամարտ: Կասկած չկա, որ նրա առաջիկա մրցակիցը լինելու է Ջասթին Գեթժին, սակայն մենք չգիտենք, թե նրանից հետո ում հետ կմենամարտի Խաբիբը:

Հնարավոր է՝ Նուրմագոմեդովի մրցակիցը լինի Քոնոր Մաքգրեգորը, կարող է լինել նաև Սեն-Պյերը: Մենք հրաժեշտի մենամարտ կկազմակերպենք նրա համար»,- Ուայթի խոսքը փոխանցում է MMAJunkie-ն:

Նախնական տեղեկություններով՝ Ջասթին Գեթժիի և Խաբիբ Նուրմագոմեդովի մենամարտը տեղի կունենա ընթացիկ տարվա սեպտեմբերին:

Հիշեցնենք, որ UFC 249 մրցաշարում Ջասթին Գեթժին տեխնիկական նոկաուտով հաղթանակ տարավ իր հայրենակից Տոնի Ֆերգյուսոնի նկատմամբ:

Հետևեք NEWS.am SPORT-ին Facebook-ում և Twitter-ում

Տպել    |  In English

Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ