«Արսենալն» ու «Ռոման» քննարկում են Մխիթարյան - Կլույվերտ փոխանակման հարցը

Լոնդոնի «Արսենալն» ու իտալական «Ռոման» քննարկում են մրցաշրջանի ավարտից հետո խաղացողների փոխանակություն։

Հռոմեական ակումբը պատրաստ է Հայաստանի հավաքականի ավագ Հենրիխ Մխիթարյանի համար վճարել 12-14 միլիոն եվրո։ Այժմ 31-ամյա կիսապաշտպանը հանդես է գալիս վարձակալությամբ, որն ավարտվում է այս մրցաշրջանից հետո։

«Արսենալը» պատրաստ է ձեռք բերել «Ռոմայի» հարձակվող Ջաստին Կլույվերտին եւ Մխիթարյանի տրանսֆերը ներառել նույն գործարքում։ 21-ամյա հոլանդացի ֆուտբոլիստի տրանսֆերը գնահատվում է 35-40 միլիոն եվրո, որից կհանվի Մխիթարյանի տրանսֆերային գինը, հաղորդում է La Gazzetta dello Sport-ը։

Երկու ֆուտբոլիստների շահերն էլ ներկայացնում է իտալացի գործակալ Մինո Ռայոլան։

Հետևեք NEWS.am SPORT-ին Facebook-ում, Twitter և Telegram-ում