«Արսենալն» ու «Ռոման» քննարկում են Մխիթարյան - Կլույվերտ փոխանակման հարցը
11:14 14 հունիսի, 2020Լոնդոնի «Արսենալն» ու իտալական «Ռոման» քննարկում են մրցաշրջանի ավարտից հետո խաղացողների փոխանակություն։
Հռոմեական ակումբը պատրաստ է Հայաստանի հավաքականի ավագ Հենրիխ Մխիթարյանի համար վճարել 12-14 միլիոն եվրո։ Այժմ 31-ամյա կիսապաշտպանը հանդես է գալիս վարձակալությամբ, որն ավարտվում է այս մրցաշրջանից հետո։
«Արսենալը» պատրաստ է ձեռք բերել «Ռոմայի» հարձակվող Ջաստին Կլույվերտին եւ Մխիթարյանի տրանսֆերը ներառել նույն գործարքում։ 21-ամյա հոլանդացի ֆուտբոլիստի տրանսֆերը գնահատվում է 35-40 միլիոն եվրո, որից կհանվի Մխիթարյանի տրանսֆերային գինը, հաղորդում է La Gazzetta dello Sport-ը։
Երկու ֆուտբոլիստների շահերն էլ ներկայացնում է իտալացի գործակալ Մինո Ռայոլան։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.