19:09  ,  5 մայիսի, 2020

Ազգերի գավաթ․ Լեւոն Արոնյանը Եվրոպայի հավաքականի կազմում մեկնարկեց պարտությամբ

Մեկնարկել է Շախմատի միջազգային ֆեդերացիայի կազմակերպած Ազգերի գավաթի առցանց խաղարկությունը՝ արագ շախմատի մրցաշար։

Առաջին տուրում Եվրոպայի հավաքականը 2։2 հաշվով է խաղացել Ռուսաստանի թիմի հետ։ Եվրոպայի հավաքականի կազմում հանդես է գալիս հայկական շախմատի առաջատար Լեւոն Արոնյանը, որն առաջին տուրում սեւերով պարտվել է Վլադիսլավ Արտեմյեւին։

Չինաստանի հավաքականը 3։1 հաշվով հաղթել է մնացյալ աշխարհի թիմին։ Հնդկաստանի եւ ԱՄՆ-ի դիմակայությունն ավարտվել է ոչ ոքի՝ 2։2։

Մայիսի 5-9-ը երկու շրջանով կանցկացվի խմբային փուլը։ Ամեն օր կանցկացվի երկու տուր։ Մայիսի 10-ին երկու լավագույն թիմերը կմրցեն սուպերեզրափակիչում։

Մրցանակային հիմնադրամը 180 հազար դոլար է։

Հետևեք NEWS.am SPORT-ին Facebook-ում, Twitter և Telegram-ում