12:45  +04,  20 փետրվարի, 2020

ՉԼ․ Շաբաթվա լավագույն խաղացողի մրցանակի հավակնորդները

ՈւԵՖԱ-ն հրապարակել է ֆուտբոլի եվրոպական Չեմպիոնների լիգայի շաբաթվա լավագույն խաղացողի մրցանակի չորս հավակնորդները։

Քառյակում են չորս հանդիպումներում լավագույն խաղացողի մրցանակի արժանած խաղացողներ․ նորվեգացի հարձակվող Էրլինգ Հոլանդ («Բորուսիա Դորտմունդ»), ֆրանսիացի դարպասապահ Ուգո Լյորիս («Տոտենհեմ»), հոլանդացի կիսապաշտպան Հանս Հատեբուր («Ատալանտա»), բրազիլացի պաշտպան Ռենան Լոդի («Աթլետիկո»): Քվեարկությունն անցկացվում է ՈւԵՖԱ-ի պաշտոնական կայքում։

Հիշեցնենք, որ այս շաբաթ տեղի ունեցած 1/8 եզրափակիչի առաջին հանդիպումներում Մադրիդի «Աթլետիկոն» տանը 1։0 հաշվով հաղթել է Չեմպիոնների լիգայի գավաթակիր, անգլիական «Լիվերպուլին», Ֆրանսիայի չեմպիոն ՊՍԺ-ն Դորտմունդում 1։2 հաշվով պարտվել է «Բորուսիային», «Տոտենհեմը» Լոնդոնում 0։1 հաշվով պարտվել է գերմանական «ՌԲ Լայպցիգին», իտալական «Ատալանտան» տանը 4։1 հաշվով հաղթել է իսպանական «Վալենսիային»։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ