11:14  ,  23 հունվարի, 2020

Միխայել Շումախերի նոր լուսանկարները փորձում են վաճառել 1 միլիոն ֆունտ ստերլինգով

Անհայտ մարդիկ փորձում են 1 միլիոն ֆունտ ստերլինգով վաճառել Ֆորմուլա-1-ի 7-ակի չեմպիոն, գերմանացի Միխայել Շումախերի նոր լուսանկարները։ Այդ մասին ոստիկանությանը հաղորդում է ներկայացրել լեգենդար ավտոարշավորդի կինը՝ Կորինա Շումախերը, հաղորդում է Mirror-ը։

Ենթադրվում է, որ լուսանկարներն արվել են Ժնեւում գտնվող տանը, որտեղ Միխայել Շումախերն անցնում է վերականգնողական բուժումներ։ 51-ամյա ավտոարշավորդի առողջական վիճակի մասին տեղեկություններ չեն հաղորդվում:

2013 թվականի դեկտեմբերի 29-ին Շումախերը ֆրանսիական Ալպերում լեռնադահուկով սահելիս ընկել էր եւ ստացել գլխուղեղի ծանր վնասվածք:

Վերջերս լուրեր էին շրջանառվում, որ ավտոարշավորդն արդեն անկողնային վիճակում չէ եւ չի ստանում արհեստական շնչառություն:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով